Berisha nga Lezha akuza kryebashkiakut Pjerin Ndreu: “Ke grabitur tokën e sekuestruar”

 

Ish-kryeministri Sali Berisha ka lëshuar akuza të ashpra ndaj kryebashkiakut të Lezhës, Pjerin Ndreu, gjatë një takimi me mbështetësit e tij në këtë qytet.

Gjatë vizitës në Lezhë, ku prezantoi kandidatët e koalicionit “Shqipëria Madhështore”, Berisha akuzoi Ndreun se ka përvetësuar një tokë të sekuestruar dhe ia ka dhënë një ish-noteri, i cili sipas tij, ishte i lidhur me një grup të trafikimit të kokainës.

“Ke grabitur tokën e sekuestruar dhe ia ke dhënë një ish-noteri që ishte pjesë e një grupi të trafikimit të kokainës,” – deklaroi Berisha, duke akuzuar kryebashkiakun për lidhje me afera të dyshimta.